藝人林夏薇與陳家樂在無綫劇《逆緣》的感情線深得觀眾歡心，劇集已播出大結局，飾演冷凍人的家樂急速老化死去，與夏薇只得一小段快樂時光，觀眾睇得唔夠喉，家樂及夏薇特別「加料」，拍攝拍拖短片滿足Fans。
他們先在公園玩「二人運動」互為對方拉筋，又到郊外「霹靂」（Picnic野餐），夏薇更晒兩吋事業線。來自四十年代的家樂搞笑拿出傳統美食光酥餅、白糖糕及一整隻白切雞！之後泛舟湖上，家樂彈結他以超老土唱腔唱出《愛很簡單》，並拎出戒指向夏薇求婚，夏薇冧爆應承！夏薇受訪時說：「希望拍Sweet結局畀觀眾，留住美好嘅回憶！最搞笑係拉筋，家樂一嘢『責』落我度，令我少少拉親腰，但玩得好開心。」