陳少霞讚老公冇晒脾氣

藝人陳少霞和富商老公李文輝前晚出席慈善晚宴，分享夫妻相處之道：「好多人話我嫁佢好幸福，我頭一年唔覺，今日先覺，因為我有時會對佢好多批評，但今日正當我想批評佢嘅時候，見到佢拎住本聖經同靈修書，嗰下我想控訴佢嘅魔鬼念頭都冇埋，我覺得佢包容我唔係因為我得意同可愛，係我嘅唔好佢都包容。」陳少霞指老公以前都有脾氣，但為她改變不少，更發現老公愈來愈靚仔。
陳少霞與老公拍拖現身，並透露想開小型派對慶祝結婚兩周年。
陳少霞與老公拍拖現身，並透露想開小型派對慶祝結婚兩周年。

同場的歌手陳逸璇宣布回歸樂壇：「依家錄緊音，之後會拍MV。（MV以咩形象示人？）一定會有所突破，但賣個關子，睇公司安排，但今年一定會有新歌面世。」Jolie透露已簽約新唱片公司，但一切詳情要稍後才可以公布，並希望舉辦迷你演唱會跟歌迷見面。

陳逸璇預告會以新形象回歸樂壇。
  • 陳逸璇預告會以新形象回歸樂壇。