陳家樂「前度」蜜照交衛詩雅保管

陳家樂昨日擔任英皇珠寶的「明星店長」，問到可知女友喜愛的鑽飾款？他說：「大粒啲嘅款啦！以前買過鑽石畀佢，但好細粒，係對佢嘅心意，因為嗰時同佢啱啱發生咗車禍，代表自己一個承諾去照顧佢。」問到可會買大粒鑽石再送女友？他說：「等出年情人節會買粒大嘅鑽石，預六位數，如果折咗變五位數。（婚戒呢？）呢個幾年後啦！」

太好朋友撻唔着

身旁的衛詩雅即大表羨慕，並說：「佢不嬲都係好男仔，佢係我入行第一個識嘅好朋友，係一個筍盤。」提到「筍盤」當日應留給自己？二人笑說：「當時我哋有自製過緋聞，但大家都冇理我哋，就算我哋行街貼到好埋，好似孖公仔咁，大家都唔信，因為我哋形象係太過好朋友。」

「明星店長」陳家樂親自為衛詩雅戴首飾。

衛詩雅晒長腿及露肩撐陳家樂。

揚言已可Delete

家樂自爆二人好朋友程度，是衛詩雅知道自己很多秘密，甚至當年將前度女友的相片和短訊都全交給衛詩雅保管，他說：「嗰時分咗手又唔捨得Delete，睇番又傷心，惟有將所有嘢畀衛詩雅幫我保管。」說畢他即補充，對衛詩雅說：「依家可以Delete o架喇！」當大家提議衛詩雅將家樂的蜜照以高價出售，她即笑說：「我唔會出賣朋友嘅！但可以賣畀你哋。（入面有冇親熱照？）咁又真係冇睇過，你哋搞到我想返去開番嚟睇。」

文：音樂組

攝：秦健輝