嚴母袁詠儀呻慘：屋企只有父親節
藝人袁詠儀、任賢齊、梁漢文與鄧麗欣等昨日出席慈善活動，靚靚表示平時會限制兒子魔童的洗澡時間，從小教他珍惜用水。談及母親節將至，她自言沒有太大意義，因兒子沒有慶祝意識，以往亦甚少作表示：「做嚴母真係好慘！好多時候我屋企只有父親節，待遇係好懸殊！不過唔緊要，佢有朝一日會明白我嘅苦心。」問到可有叫老公張智霖送手袋補償？靚靚說：「佢會答『你又唔係我母親』！不過冇乜所謂，反而我會送花畀媽媽、奶奶同阿仔契媽。」
梁漢文履行社服令
提到年前陳法蓉與梁小冰曾發生爭執，事後靚靚力撐好友小冰，問到前晚在慧研雅集慈善晚會上有否跟陳法蓉碰面？靚靚笑說：「我哋真係冇嘢，冇尷尬！畀你哋講到尷尬。（有冇傾偈？）會場太多人，冇咩機會同其他人傾，我又唔係嗰種刻意打招呼嘅人，見到面咪打，我係大聲但有禮貌。」
至於梁漢文透露稍後會到佛山與Big Four合體開騷，亦開始履行社會服務令處理文職工作，問對工作上可有影響？他說：「冇特別！尋日有同事生日，見到大家飲得高興，我就飲汽水，快啲搵我做代言人。」任賢齊則表示對方積極做正面事情，希望大家多多支持。
文：影視組