big big shop邁向全球 銷售額誓衝3億
無綫旗下社交娛樂應用程式big big channel推出全新網購服務「big big shop」，打破傳統廣告模式，觀眾在電視節目中看到的產品都有機會網購，頭炮以大堆頭贈品吸引觀眾。無綫對此寄予厚望，目標每年銷售額逾3億港元。
big big shop為商戶開創嶄新的營運模式！向來電視節目每小時約有十多分鐘廣告，一年廣告收入達30億元。為增加廣告收益及延長廣告時間，因此構思big big shop網購平台，基本概念是在公仔箱見到的商品物品，觀眾就可買到，例如旅遊、綜藝及婦女節目，遲些甚至推廣劇集內的物品。無綫對此寄予厚望，目標每年銷售額逾3億港元，成為電視廣告外最主要收入來源，更會跳出香港成為全球性網購平台。
肥媽節目打頭陣
big big shop今日早上11時開張試業，今晚首播的節目《食好D食平D》將為big big shop打頭陣，觀眾可網購節目內的商品。昨日無綫助理總經理（非戲劇製作）余詠珊、副總經理（節目及製作）杜之克、《食》主持肥媽與陸浩明（6號）、藝人麥美恩及洪永城等出席big big shop啟動儀式。余詠珊表示《食》內的廚具鮑參翅肚煲及18合1雙頻萬用養生鍋，是在big big shop獨家發售：「呢度賣嘢唔係平，但係好抵，例如1,500蚊嘅鮑參翅肚煲，送成1,900蚊贈品，真係唔知點賺，多謝一眾商戶熱烈支持。」
講到藝人在big big shop賣東西有分紅，肥媽表示今次節目已「有得分」，相當和味，並計劃推出調味料及湯包，笑言想賺7至8位數字，就可半退休。6號則笑言可出售與肥媽的「情侶裝」，甚至母子內衣，笑爆全場。而洪永城想將自己放到平台賣：「賣自己，價高者得，可以同大家食餐飯，賺到嘅錢捐去我個慈善機構，仲會拎啲瑞士空氣、北極冰、非洲草、土著服裝返嚟賣，相信會有一片天。」
麥美恩自薦做外賣妹
由於網購滿450元可享送貨服務，自嘲得閒的麥美恩可負責送上門：「我見好多將軍澳街坊都懶出街，咁我做埋外賣，收番少少服務費囉，哈哈。」
此外，big big shop將有連串計劃出擊，例如節目《原味道》系列中除了香港外，還會走訪馬來西亞及台灣等地介紹地道小食，以及搜集十個最好食的即食麵讓人試食，而觀眾亦可買到節目中的食品。至於無綫三隻吉祥物TVBuddy、大明猩及myTV SUPER機頂俠將會出產聯成商品，商機無限。而7月23日是big big channel一周年，屆時開業兩個半月的big big shop有望達到一定成績，並全面開業。
文：影視組