鄺潔楹2粒鐘啃6碟棉花冰驚驚！
有「仙氣女神」之稱的藝人鄺潔楹（Judy）由無綫娛樂新聞台主播，靠實力轉戰到擔任旅遊節目《3日2夜》而人氣急升，後來更加盟資訊節目《學是學非》，成為新一代是非精！
雖然入行資歷尚淺，但Judy主持經驗也算多。提到最難忘的經歷，向來愛吃甜品的她，坦言有次吃棉花冰吃到驚！她說：「試過拍《3日2夜》介紹美食，兩個鐘內食咗六碟棉花冰！因為啲冰好快溶，同埋又要試幾隻味，Keep住畀新一碟我。」她表示吃了牛奶、綠茶及黑糖味，笑言整個星期不敢再吃或喝任何奶類製品：「真係怕咗隻味！（有冇怕咗拍旅遊節目？）都冇，但係學精咗，知道下次其實可以扮食，哈哈！」
她直言每次拍旅遊節目都很享受：「因為有啲地方自己去旅行唔會去到，同埋都有好處，就係可以試好多嘢食，好似可以試晒所有棉花冰口味，哈哈！」
