古天樂「請飲」林家棟唔敢隊
影帝古天樂前晚大搞百人慶功宴，與另外兩位金像獎得主姜皓文及凌文龍獲送Q版公仔蛋糕，古仔更隆重以一身黑白型仔打扮示人，興奮「請飲」的他，滿場飛不停被集郵。
出爐金像影帝古天樂（古仔）前晚於其銅鑼灣開設的酒家舉行慶功宴，與百多位同事分享喜悅，出席藝人包括林家棟、「最佳新演員」凌文龍、「最佳男配角」姜皓文（黑仔）、廖子妤、余香凝、廿四味成員阿肥等。現場為古仔、黑仔及凌文龍準備的蛋糕上，有他們當日攞獎造型的Q版公仔，別具心思，其中古仔的一身西裝打扮更與Q版影帝造型公仔似到十足十。席間，「主人家」古仔不停被集郵，但今次沒有被起哄叫唱歌，反而由阿肥、廖子妤、余香凝等唱歌搞氣氛。
翌日開工要就住
其實主人家古仔當晚一早由秘密通道抵達，之後黑仔與上屆影帝家棟相繼到場，黑仔表示趕入場而未有接受訪問。而問家棟送甚麼給古仔時，他笑說：「我送個心畀佢。（今晚不醉無歸？）咁又唔得，聽日要開工。」至於凌文龍坦言早已跟朋友慶祝，問到會否與古仔不醉無歸互祝？他笑說：「一定會飲番杯，但聽日要開工，依家忙緊綵排舞台劇。」
文：影視組