陳山聰笑糖妹腳短：只錫到我喉嚨

陳山聰、糖妹、姜大偉、于淼、翟威廉、黃長興等昨日出席《逆緣》活動，山聰與糖妹在劇中有段「長短腳」情緣，活動上兩人十指緊扣玩人體扭扭樂，又蒙眼打桌球，展現合拍度。不過，兩人身高卻被拿來開玩笑，山聰笑稱兩人完全冇親熱戲：「唔好話蜻蜓點水，連點水都冇，因為如果錫錫嘅話，糖妹最多只錫到我喉嚨位，個視覺效果唔好睇，有時啲女星都要企木箱同我做對手戲，同糖妹做戲，我直接叫佢企上張櫈，又或者我坐喺櫈，佢企喺度。」至於糖妹指兩人劇中戰況會愈來愈激烈，沒有吻戲皆因山聰是男神，怕會蝕底。

泊車被兇焗耍冧

此外，日前袁偉豪（Ben）睇戲時叫人食薯片「細聲啲」引發爭端，身為Ben好友的山聰開玩笑說：「佢同我哋一齊包場睇戲咪冇事囉，又要貪啲免費飛。」之後才正經說：「我相信佢嘅態度一定係好，唔會大大聲咁同對方講，因為就算同我哋玩得好癲，佢都好斯文，講嘢陰聲細氣。」山聰認為做藝人很無奈，自爆曾因停車場排隊問題而被兇，最後也耍冧道歉。

幽默生鬼的姜大偉與韓馬利玩人體扭扭樂。

一眾演員在現場大玩遊戲，糖妹慘遭圍攻。

姜大偉囝囝斟入行

至於姜大偉被問到兒子是否入行，他稱有兩間公司邀囝囝試鏡，但仍未決定入行與否，他說：「佢都未知自己意向，畀多啲空間佢，等佢諗清楚，無論佢想入行定繼續讀書都會支持佢。」

文：影視組