護唇有法鄭融「牛河嘴」令立立

歌手鄭融與跳高運動員楊文蔚昨日出席化妝品牌活動，鄭融受訪時提及早前應邀前往東京參與發布會，她笑說：「見到好多名模，我係全場最嬌小。」又自言最緊張的是嘴唇，不忘自誇夠晒Sexy：「成日搽潤唇膏，保護嘴唇，唔可以有死皮。（男友有冇讚？）佢只係叫我笑多啲。」
楊文蔚玩開跳高，當然Sell長腿！
楊文蔚玩開跳高，當然Sell長腿！

鄭融又分享以前拍攝接吻戲的趣事：「有人一見我個嘴就話係『乾炒牛河』，因為好『令』，錫完對方都會『嘩！』一聲。咁樣幾好，可以轉移視線，對手只係同我啲唇油錫，而唔係錫嘴嘅感覺，可以盡快抽離角色。」問到可有幫男友搽潤唇膏？鄭融指曾經試過但遭嫌棄：「佢好迫於無奈，但佢個嘴『爆拆』都冇辦法。」她又指希望可以出自家色唇膏。

鄭融自誇嘴唇最Sexy，希望可以出自家色唇膏。
  • 鄭融自誇嘴唇最Sexy，希望可以出自家色唇膏。