「老公前世有好多女友」 楊張新悅第四胎都係女
藝人關之琳與名媛楊張新悅，昨日出席Rosamund MOISELLE活動。已育有三女、現懷第四胎七個月的楊張新悅透露今胎佗B女，預產期為7月，她說：「相士話過我老公前世有好多女朋友，今世要還。直至上個月驗血，終於知道結果，屋企會有四個女四條Queen！」她表示沒有失望，因為沒有想過要追仔：「冇壓力，雖然生仔係驚喜啲，但生女唔使重頭學點樣湊男仔，加上太多家姐，係仔嘅話可能唔夠Man。（再追？）千祈唔好，唔好祝我年生貴子，再生要我帶住5個小朋友就搭唔到的士！」
關之琳就透露會與媽咪食飯慶祝母親節：「好難送嘢畀佢，佢乜都唔要，應該都係會送花。（送現金？）佢最歡迎。（送磚頭？）咁都要佢搵到（心水）先。」提到劉嘉玲日前被指年齡有報細數之嫌，她表示沒留意，但承認年齡對藝人來說有壓力：「做呢行年齡會係大家評論嘅嘢，不過心境健康最重要，時間係好殘忍，最緊要係充實自己。」
