龐景峰願出錢助好友返港

對於卓林拍片求助，好友龐景峰說：「知道佢喺加拿大之後，我打過畀佢，但個電話號碼打唔到。（有冇諗過幫佢？）我幫唔到佢，如果佢喺美國紐約可能會幫到，因為我識人，但加拿大我就唔識人。（卓林有冇搵你幫手？）冇喎！正路佢應該搵加拿大嘅親戚朋友，以我所知，佢喺溫哥華有親戚。」問到若卓林找他幫手，他可會伸出援手？龐景峰說：「如果畀錢佢返嚟香港，我會幫嘅，如果係生活費，我就唔會畀。」