宣萱儲錢買樓被克勤截胡
李克勤與宣萱昨日在電台節目開咪，原來二人緣分並不只於90年代合作的無綫劇《鐵膽梁寬》，宣萱大爆當年未儲夠錢置業，結果心儀單位被克勤捷足先登，後來附近有單位以低價放售，兩人終於結成這段鄰居情緣！
歌手李克勤昨日到電台擔任嘉賓主持，邀請宣萱做嘉賓。克勤指當年二人拍攝電視劇《鐵膽梁寬》時仍不相熟，後來做了鄰居才熟落。宣萱自爆不夠錢買位於西貢區的心儀單位，而該單位被克勤買了：「後來我買咗佢隔籬再隔籬個單位，沙士嗰陣個業主平讓，不過之後我離開TVB就搬咗。」克勤指他們和汪明荃等人組成了「Big Eater Group」，每個月都會舉行大食會。
失落視后戥唔抵
提到宣萱去年失落視后，克勤直言「唔抵」，問到有否代為爭取？他說：「如果爭取到就爭取咗！佢一早應該攞！不過佢攞過都唔志在。」宣萱即笑言攞過都可以再攞，冇人嫌多！至於二人可想再合作？準備做導演的克勤笑言電影方面不敢累人：「我拍咗一套先，唔想佢辛苦。電視就唔敢啦，我一把年紀，捱唔到。」宣萱笑言有地位就可以傾條件，克勤即說：「係契仔，又唔係親生仔！」宣萱說：「親生仔有啲嘢要啃，熟熟哋就啱。」至於今年Now TV播放世界盃，克勤說在譚詠麟提出合作下，唯一參與就是唱主題曲：「我話唔同公司得唔得？佢話事在人為啫。我問老闆，老闆就話譚生開口一定冇問題。」
首任男友有聯絡
至於提到天王黎明已為人父，宣萱驚訝地說：「咁快？都要恭喜嘅，人生踏入另一階段。我同第一個男友講起，佢都話children are magic。」克勤驚嘆宣萱與首任男友仍有聯絡，強調自己首個女友就是太太，少好多問題，但不敢評論黎明指摘有人爆料的「漢奸論」：「每個人都有想講嘅嘢，不過我哋唔好講啦，淨係講開心嘢啦。」
文：音樂組