鍾采羲信邪唔洗頭先鎅到仔

藝人鍾采羲（Iris）昨日到電台分享愛情經歷，自爆拍拖次數「兩隻手數得晒」：「不過我鍾意嗰啲就會飛我！（爆喊？）我會失控！好似一般女仔咁好情緒化。」問到分手後能否做番朋友？Iris表示除了一個之外都可以：「佢小器！飛我仲同我絕交。（你有第三者？）冇！可能佢覺得我煩，不過好多年前。 」至於現在可有拍拖？她笑言正在招親，但朋友介紹的都沒有火花：「唔沖涼、唔洗頭咁冇預備下識到就會有！（咁要多啲唔洗頭出街？）我有諗過！我諗係風水命理，次次刻意都唔得，可能要特登核突啲！（下次素顏？）其實我成日都係咁，又唔係幾日唔洗頭，但冇咁姿整同扮咁靚囉！」