吳綺莉支吾以對:最緊要佢安全

有傳吳綺莉近日因與女兒卓林失聯而報警求助,被問到此事時,她支吾以對,直言只要女兒安全健康便安心,還呼籲卓林的朋友要好好代她照顧女兒!

藝人吳綺莉與女兒吳卓林近年關係緊張,卓林去年更與30歲外籍「網紅」女友Andi搬出同居並搵工做,過着自力更生的生活。不過,近日有傳卓林已辭工並失蹤數月,吳綺莉遂報警求助,失蹤人口調查組亦進行調查。據消息指,她在2月底報案,警方列作失蹤人口案處理,交由港島總區失蹤人口調查組跟進。記者就報警一事致電吳綺莉,她沒有正面回應:「唔想講咁多喇!」

「大家有自己嘅生活」

問到知否女兒的行蹤?吳綺莉表示:「佢喺朋友屋企住,希望個朋友對佢好啲,最緊要安全囉!(你幾耐冇見過卓林?)幾日前!佢同我講佢唔喺香港,都係嗰句,最緊要佢安全同身體健康。」對於卓林自稱不在港,問到是跟女兒見面抑或傳短訊?吳綺莉再次以「唔想講咁多」作回應。問到現在的心情是否忐忑不安?她說:「咁又唔係!大家有自己嘅生活,小朋友唔喺身邊有好多原因,可以去咗讀書,呢啲係一個過程嚟,只要佢獨立就冇問題。(知佢喺外地邊度?係做緊嘢定讀書?)唔清楚喇!總之佢最緊要冇事,做一個健康嘅人。」

跟卓林分屬好友的藝人龐景峰,對於有傳卓林失蹤,他說:「我成半年冇搵佢,發生咩事?真係唔知,我試吓搵佢!」

文:影視組