熊黛林爆郭可頌湊孖女雞手鴨腳

Lynn早前被本報獨家爆人工受孕佗孖女，日前開刀誕孖B。昨日Lynn發布一家四口的溫馨照片，見她與老公郭可頌一人抱住一個B，小鳥依人般依偎老公，幸福滿瀉，剛生產完的Lynn更沒有半點水腫，身形甚Fit。另外還有兩張B女的腳板相，以及一張做出心形手勢圈住BB腳仔的照片，Lynn透露第一眼見到兩個囡囡時，既感動又開心：「BB女5磅左右，眼仔好大好靚女，老公開心到不得了。」

努力餵母乳

郭可頌在Lynn入產房前非常緊張，見到老婆和囡囡均平安，終於鬆一口氣。由於初生BB太嬌小，令新手爸爸不敢亂抱，拍照時要靠Lynn出手：「我叫老公坐定定擺住抱B姿勢，然後叫我媽咪抱囡囡放喺老公懷抱，老公後來抱到唔捨得放手。」又謂看到大隻老公抱住嬌小B女的畫面，反差很大，非常搞笑。

Lynn媽咪亦專程來港照顧，Lynn也努力學湊B及餵母乳：「我已慢慢開始學習湊小朋友，同埋餵人奶，因為是對BB最好嘅，最緊要佢哋健康。」她更興奮在微博發文：「終於等到你們了。」而昨日不少傳媒在Lynn的北角寓所守候，然而兩公婆足不出戶。

Baby詩詩送祝福

一眾好友紛紛送祝福，Angelababy說：「哈哈哈！我已經祝福過她啦。祝福！以後又是兩個長腿姐姐！」在電影《葉問》中，Lynn飾演甄子丹太太，子丹太太汪詩詩與子丹齊送祝福：「好開心見到Lynn一家四口的合照，好幸福呀！我同老公都祝BB健康快樂！」名模琦琦見好友一次過生一對千金亦表示開心：「祝小朋友快高長大！我諗住等Kim（熊黛林經理人）返嚟之後一齊去睇佢！」

文：專案組