劉思希誤食春藥跳河降火

何佩珉擔任劉思希替身，拍攝跳河鏡頭。

睇三級片取經

劉思希撲進水中的動作，由動作演員何佩珉代勞，故兩人造型激似。劉思希落水前加倍打底，用保鮮紙包裹身體，再穿上潛水衣，以防池水污濁感染細菌。她笑說：「有啲緊張，因為咁啱天氣凍咗，都驚啲水凍。」拍攝時，她不慎飲了一啖水，但亦應導演要求拍攝了三、四次，嘗試不同搞笑表情。

首次拍古裝劇兼演反派的劉思希笑言，鹹濕姣婆角色有很大發揮，故開拍前看三級片《金瓶梅》取經：「角色好反傳統，係一個又衰格、又鹹濕、又忤逆嘅大小姐，對老竇衰，仲成日鹹濕啲家丁，對佢哋毛手毛腳。劇裏面我用盡方法嗒謝東閔，又餵佢食提子，又餵佢飲補湯，自己都未見過一個女性角色係咁鹹濕，哈哈。」

放大圖片	扮演家丁的謝東閔被劉思希垂涎美色。	劉思希應導演要求，在水中做出多個趣怪表情。

何佩珉明年嫁人

此外，剛在歐洲旅行期間答應男友求婚的何佩珉指，事前不知男友計劃求婚，故感動得淚流滿面，現開始籌備婚禮，預計明年出嫁。

文：影視組