陳明恩做兔奴𥄫實破壞王
藝人陳明恩（Corinna）家有萌爆寵物兔「可可」，但可愛背後，「可可」卻原來是「破壞王」，經常咬爛物件，不過Corinna未有生氣反而擔心「可可」誤吞落肚，無時無刻做「看兔」。
東網巨星節目「帝皇地產集團特約」《巨星Pet Pet》，新一集邀請到Corinna擔任嘉賓，Corinna去年下嫁舞蹈員Eddy，婚後接手飼養Eddy的寵物兔「可可」，雖然有飼養鸚鵡和倉鼠等寵物經驗，但養兔仔則是首次，她說：「養兔仔我係新手嚟，加上『可可』好怕醜，需要啲時間同佢建立關係，要畀佢慢慢習慣同適應。」
擔心咬完吞落肚
兔不可以貌相，「可可」長得可愛又平和，惟其破壞力驚人，曾咬爛過不少物件，Corinna說：「我哋會畀佢喺屋企周圍跑，佢試過咬爛啲電線同地氈，連涼鞋同梳化底部都咬咗幾個窿。（鬧佢？）擔心佢咬完會吞落肚咋，所以依家收起晒所有嘢，同埋圍住個空間畀佢跑，盡量保護同睇實佢。」
除了Corinna分享與「可可」的溫馨互動外，《巨星Pet Pet》每集均會請來不同藝人講飼養心得，包括廖碧兒、傅穎、陳婉衡、林作等，除了貓、狗、兔之外，不同的星級寵物陸續登場！大家可在東網App及網頁隨時隨地收看及重溫。
細膽「可可」嚇到跳起！
現年2歲的「可可」為道奇兔品種，道奇兔性格外向，愛與人親近，但「可可」卻較膽小及怕醜，相當獨特。若有陌生人在場，「可可」會被嚇到跳一跳，然後警惕地觀察陌生人舉動。Corinna笑說：「佢真係好驚青，有時候我哋打乞嚏或者咳一聲，佢都會嚇親跳一跳。」
文：專案組
圖片：東網組
https://bit.ly/2IIbm6L