李偉健日本影婚照未婚妻「冇面見人」

有份演出無綫處境劇《愛.回家之開心速遞》的藝人李偉健,即將與圈外女友結婚,早前到日本京都上賀茂神社影婚紗相,兩人穿上日本傳統禮服,跟足當地禮儀,李偉健為太太撐傘步入神社,然後又手拖手祈福,非常浪漫。不過他以卡通圖案遮住太太樣子,令大家無法一睹真面目。

李偉健昨日接受訪問時表示:「我同未婚妻都覺得和服好特別,同埋鍾意日本嘅景靚。(點解未婚妻唔出鏡?)因為佢係圈外人,比較怕醜唔想出樣,之前都冇出樣。」