黎燕珊問准仔女晒三吋事業線

古力娜扎以高貴性感的造型示人。

而黎燕珊以低胸露背白色晚裝亮相，胸前薄紗令三吋事業線若隱若現，甚有睇頭！她坦言很久未穿得如此性感：「今日嚟頒發製作人獎，所以盛裝啲，套衫揀咗成個月，仔女都過關。（要仔女批准﹖）都要顧及佢哋感受，佢哋都覺得媽咪性感得嚟係高貴，我為咗着呢套衫而狂做運動。」同場的張文慈谷胸露肩亦相當吸睛，近年加入TVB後一直忙拍劇的她，望觀眾會喜歡其作品。溫碧霞則以露肩晚裝壓軸亮相，早前宣布推出寫真的她透露已完成拍攝工作，主打健康性感，笑言老公亦支持。

而拖實太太亮相的黎耀祥，透露將任「最佳導演」頒獎嘉賓。被問到可有興趣做導演？他笑說：「冇諗！因為做導演要有經驗同經歷，亦要對觀眾負責任，唔可以求其，人生方面又要有新睇法，我依家未係時候。」

黎燕珊指身上的性感晚裝，事前已先讓仔女過目。	張文慈大騷Big爆上圍，成為全場焦點。	溫碧霞透露已拍畢寫真。
任頒獎嘉賓的黎耀祥，拖實太太恩愛出巡。