吳業坤搣甩豬腩肉轉Look鋪路做脫星
圈中掀起一股操肌熱，連歌手吳業坤也加入操肌行列，坦言不想佗住舊「豬腩肉」遊街，更有意脫衣露肉演出！入行踏入第8個年頭，坤坤希望有機會衝出香港，將自己的歌曲帶去世界各地。
吳業坤自完成紅館演唱會後，一直想繼續學跳舞，認為先決條件是將身形操Fit的他，現時隔日便會跟教練做Gym。問到為何突然想操Fit，他直言：「係時候轉換形象同感覺，冇理由佗住舊豬腩肉出街，想有啲目標，有啲改變！目標係六舊腹肌，每日照鏡都同自己講一定要有，但係到依家都未有，想完成咗先Show畀大家睇。」談到改變形象能夠吸引更多異性，坤坤笑言每個形象都有其不同的吸引力，而自己最想就是嘗試再在螢幕前脫衣，不想被形象局限自己。
想唱勻全世界
談到最近推出了新歌，並遠赴巴黎錄音，感受異地情懷，坤坤表示入行八年，推出過不同題材及曲風的歌曲，又當過節目主持及參與劇集拍攝，更登上過所有歌手夢寐以求的紅館舞台，算是完成了很多應該完成的夢。問到接下來最想做甚麼？他坦言世界很大，最想去不同地方開音樂會，而到巴黎及日本跟不同音樂人交流，就是衝出香港的第一步：「好簡單，好似之前去深圳拍劇咁，其實世界真係好大，慢慢一步一步行出去，但會扎根於香港，將廣東歌打入內地或台灣市場。雖然力量渺小，但會好努力去做呢件事，自己都想試吓快歌，今年推出嘅新專輯都有收錄70、80年代嘅舞曲。」
文：音樂組
攝：劉斌
化妝：Tiffany Lai（Kimage beauty）
髮型：Ken Yong（Hair culture）
服裝：Evisu