袁偉豪爆肌冧粉絲 賀入行20年
無綫小生袁偉豪準備推出相集作為入行20周年的紀念品，並將一手包辦所有細節，預告會有晒肌相慰粉絲！辛苦經營演員生活多年的袁偉豪終於踏入收成期，2018年的工作檔期亦已逼爆。
型男袁偉豪（Ben）好戲又靚仔而成為男神，近年代表角色一個接一個，憑《城寨英雄》奪「最受歡迎電視男角色」後正式登上一線小生地位，首部擔正作品《三個女人一個「因」》近日熱播，劇中與好友黃智雯合作無間，笑言這位拍檔實際上是一位可愛型女孩，大爆她「面精心懵」。
剝衫係特色
Ben自1997年參演廣告入行至今已20年，一般人可能已轉過幾份工，他則由一個廣告為人所認識開始，後來抓住機會參選港男成為冠軍，並展開演員生涯，時至今日獲觀眾肯定，他笑言踏入收成期：「叫做慢慢有啲收成，上年拍咗《使徒行者2》、《棟仁的時光》同《再創世紀》，多咗一班廣告客戶支持，仲有美容產品搵我，作為一位男性被大家喜愛都係肯定。」
而Ben確實深受觀眾喜愛，劇集監製經常安排他晒肌，他笑言不算是犧牲：「其實都好基本，應該係袁偉豪其中一個特色嚟，可能啲編審、編劇都想睇啦！我自己又唔抗拒，剝衫有好多種，電視上亦唔會賣弄色情，亦可以帶出弗嘅一面。」目前半休息的他正密密操弗，笑言個性貪吃兼易肥，放假亦不敢停下腳步。
揸機影女友
他透露為2018年排得密麻麻的劇集及電影工作外，更正籌備相集：「今次係慈善工作，仲係首次自己籌備、帶領一個團隊去創作，會去峇里島等東南亞地方，當然晒Body都會有少少，仲有一部分係自己平時工作嘅花絮，想用呢個相集去紀念入行20周年。（下次自己揸機出影集？）影相都係我近年興趣之一，我仲儲緊相、捉摸緊自己嘅角度，自己比較鍾意影人像，因為可以同Model互動。（幫女友張寶兒影？）生活相當然有好多，但都想有啲設計感、要靚嘅。」
文：影視組
攝：劉志源
服裝：Harvey Nichols
場地：La Mer Restaurant & Lounge