瑪姬食得唔好嘥鯨吞草莓
藝人瑪姬早前跟兩名朋友到日本山梨縣旅行，以自駕方式走到鄉郊地方體驗，她透露首次到一個溫室農場，在限時三十分鐘內任摘任食草莓，她笑言：「農場畀個膠兜我，膠兜有兩個窿，一個窿擺草莓，一個窿有煉奶，可以即摘即食，原來當地人摘草莓興即食，我衰貪心，半小時食咗50粒，返到香港見到草莓都驚。」
瑪姬還去了旅遊熱點御岳昇仙峽，她說：「前年我登上富士山頂，人生做一次就夠，好辛苦！今次坐喺懸崖邊就可以遠眺富士山。」此行瑪姬更擔任柴可夫角色，她表示：「我哋去咗兩個釀酒場，但好諷刺，因為要揸車所以唔飲得酒。」
