胡琳愛の料理冧仔笑蝦哈
歌手胡琳唔單止唱得，仲入得廚房，今次為東網巨星節目《星級煮意》炮製高技巧「黑松露蛋白黃金蝦球」，原來胡琳從小愛玩煮飯仔，曾立志做廚師，還自誇廚藝了得，未來老公一定有口福。
東網巨星節目《星級煮意》廣邀名人紅星大展廚藝，新一集請來胡琳下廚炮製「黑松露蛋白黃金蝦球」，單看菜名已知難度甚高，但她輕易完成兼煮得色香味俱全。胡琳自言中、西菜都難不到她：「我好細個就鍾意玩煮飯仔，係開火煮嘢食嗰種，依家諗番嗰時得8、9歲都好危險。我婆婆煮嘢食好叻，好細個佢煮嘢食，我就喺廚房做跟班，培養咗我鍾意煮嘢，曾經有諗過做廚師開餐廳。」
煮出美味有滿足感
胡琳指平時會請三五知己品嘗廚藝，印象較深的是煮避風塘炒蝦：「呢味係我覺得難度最高同埋多工夫，啲人會話蝦唔應該咁做，但煮出嚟都好好味，好有滿足感。（男友欣賞？）我每個男友都好欣賞我廚藝，我覺得味道唔係重點，最重要係有冇畀心機，煮畀男友當然會再畀多幾分愛心落去，做我老公一定會好幸福。」
星級名廚李錦聯點評胡琳的「黑松露蛋白黃金蝦球」是大製作，落足工夫，但就笑言菜式不適合後生靚女煮，因太多材料要處理，工序多、難度又高。
除了一眾名人紅星親自示範不同菜式的《星級煮意》外，東網巨星節目多元化，包括訪問女星節目《閨蜜睡房》、寵物節目《巨星Pet Pet》及韓國最新娛樂消息《韓薦》等，大家可透過東網App或東網網頁隨時隨地免費收看及重溫。
黑松露蛋白黃金蝦球
材料：蝦球、鹹蛋黃、黑松露醬、蛋白、花奶、生粉、雞蛋黃、蜜豆、蟹籽
Step：
1.生粉水、蛋白及少許花奶撈勻。
2.熱油鑊後熄火推蛋白，加黑松露上碟備用。
3.蝦球撈蛋黃後沾上生粉，落鑊炸至金黃色。
4.細火推鹹蛋黃，起泡後加入蝦球。
5.將蝦球放在蛋白上，加上蟹籽及已灼熟蜜豆，完成。
文：專案組
化妝：Krisie Wong
場地：東來順（帝苑酒店）
https://goo.gl/A1bmNk