曾華倩蘇志威花面貓遊街

蘇志威現身曾華倩主持的節目，齊齊想當年。問到如何認識曾華倩？蘇志威說：「當時我、曾華倩、劉嘉玲、藍潔瑛成日一齊玩通頂，諗到乜就玩乜。（最瘋狂玩過啲乜？）玩啤牌、7級豬，輸咗畀人畫到成塊面都係，之後落去『7仔』買嘢。我哋由廣播道玩到壽山村，之後再玩到成和道附近嘅泳池，所以真喺識於微時。」

另外，問到曾華倩會否與蘇志威一起做馬主？她笑說：「佢呢啲獨資，唔好同人夾，佢好勁o架！」蘇志威直言：「佢（曾華倩）係都要我着番馬主系列嚟，話夠Lucky。我今次所得嘅經驗就喺唔好夾份，因為旗下愛駒有啲問題，如果同人一齊買，好難同人解釋。」曾華倩即說：「關鍵係佢個底夠厚，唔使夾都頂得住。」

畀細女批評衣着

蘇志威又表示最近忙打理新服裝店，投資了7位數字。問他是否會讓女兒長大後接手生意？他說：「冇諗過，佢哋唔啱做生意，又唔啱入娛樂圈。大女鍾意煮嘢食，細女好貪靚想做Designer。有時我會問吓佢一啲襯衫襯鞋嘅嘢，佢都會批評我。」

文：影視組