鄧月平欺凌當福氣放膽入戲
鄧月平有份競逐今屆金像獎「最佳新演員」，她表示會視自己為對手，並以輕鬆心情面對獎項的得失。雖然她曾經歷童年被欺凌，幸得「恩師」鄭丹瑞鼓勵和指導，教她將自身痛苦經歷視為一種福氣，放膽去做戲。
現年20歲的影壇新人鄧月平憑首部電影作品《小男人週記3之吾家有喜》，入圍角逐本月15日舉行的《第37屆香港電影金像獎》的「最佳新演員」獎，能夠入圍她表示很開心，因為被人賞識並非必然。面對四位強勁對手凌文龍、陳漢娜、歐鎧淳及梁雍婷，她會以輕鬆心態面對成敗：「對手強係好事，可以向對手學習嘅地方好多，我反而覺得佢哋係同道中人，真正嘅對手永遠係自己，唔好同人比較，最緊要做好自己。」
屋企教落打不還手
首次拍電影便入圍金像獎，原來鄧月平初入行時信心不足，因小時候的她曾是戲劇學會成員，因為少說話，老師不放心將重要角色交給她，加上家教嚴，即使被人欺凌都要「罵不還口，打不還手」，又要用零用錢請朋友食嘢，令她有感友情被騙，亦造成童年陰影。幸而，入行後得到「恩師」鄭丹瑞的鼓勵和教導，為她打好演藝事業的基礎：「佢話我得，叫我放膽去做！仲話我有唔好嘅經歷係一種福氣，可以幫助我演戲。」
幸有知心閨蜜
參加ViuTV選美活動後入行的鄧月平，一年多來遇上工作不順境時，不想家人擔心未有向他們傾訴，反而向合演《小》片的閨蜜談善言訴苦：「我有唔開心都會同佢講，我哋又會傾吓點做戲，好慶幸有一班好為我設想、好錫我、愛我嘅閨蜜。」去年她推出單曲，坦言想多向電影方面發展：「今次得到提名，無論得獎與否，都要努力做出好嘅作品先對得住旦哥（鄭丹瑞），對得住投票畀我嘅人。」另外，昨日她為新歌《最佳演員》舉行發布會，她指歌曲靈感來自入圍金像獎最佳新演員，希望分享正能量。
文：影視組
攝：張福宏
服裝：MAGinSHOP
場地：M2 Home