唐詩詠見血唔暈 變「無障礙」醫生

唐詩詠、何廣沛、吳沚默及蔣志光等日前拍攝新劇《白色強人》，講述小童遇襲後送院的戲份，首次飾演醫生的詩詠表示一向喜歡看醫療類劇集，現在終於得償所願，故拍攝時很快有做醫生的感覺：「連續開咗十日嘅急症室景，中間係有少少攰，但我好享受。」同劇拍檔馬國明繼《On Call 36小時》後再度演醫生角色，問到可有向對方請教演繹心得？詩詠指今次劇種與《On Call》不同，對方亦有自己的新演繹方法。

冇異性埋身

早前於造型活動上，詩詠表示見血就會暈，她稱現已克服這個問題：「好好彩今次冇事。（大膽咗？）係呀！可能拍戲時投入咗個角色，所有自己本身嘅恐懼都冇咗，一離開角色可能返番嚟！」提到於社交網站上載健身片段，詩詠指身邊人讚她Fit了不少而感到開心，但未有吸引異性追求，更直言「唔急得」，並指女生單身都可以很快樂。

唐詩詠笑晒望住劇中受傷流血的小童，果然克服見血會暈的恐懼。	吳沚默話想與何廣沛傳緋聞，慘食檸檬收場。	蔣志光與唐詩詠飾演醫生搶救病人。

吳沚默想黐何廣沛

同場的何廣沛自爆奪去馮盈盈的螢幕初吻，但不擔心因合作傳緋聞。而吳沚默笑謂希望與對方傳緋聞，何廣沛即指二人沒可能，還透露大家是訓練班同班同學，但今次是首次合作：「過去五年冇合作過，佢係一個才女，我哋組嗰啲功課嘅提議都係佢諗，我哋啲作品比較另類同文青啲。」

文：影視組