張穎沁爆B仔愛出鏡！
27歲模特兒張穎沁（Pamela）是一名模媽，育有一歲大囝囝Adam，她坦言當初如此年輕就做媽媽，曾擔心會影響模特兒事業，但懷孕期間仍有品牌邀她拍廣告，令她重拾信心：「結婚嗰陣已經流失批Fans，但生咗仔後多咗鍾意BB嘅人，好多網友會嚟我個網上平台睇BB，有人同我講話每日返學之前都會想睇吓Adam，甚至做埋Wallpaper，我都好開心！而且都有啲媽咪品牌搵我。」
講到囝囝Adam，Pamela讚他性格外向又有表演欲：「佢依家見我拍片講嘢就會衝向鏡頭Say Hi，之前帶過佢一齊行Catwalk，佢完全唔驚人。（栽培佢做小Model？）都有牌子搵埋BB上鏡，覺得溫馨啲，遲啲如果唔影響學業都可以試吓，佢鍾意同人哋玩。」
髮型、化妝：Candy Lam