蔡楓華剎那光輝掹張國榮車邊
資深歌手蔡楓華及陳秀雯等前晚在伊館開騷，蔡楓華直言當年由麗的過檔無綫是錯誤，認為如果沒有為無綫主持《勁歌金曲》，就不會發生「一剎那光輝唔代表永恒」事件，並自嘲這「金句」是掹張國榮車邊。
蔡楓華、陳秀雯、劉雅麗、李龍基、葉振棠、袁麗嫦及蔣麗瑩，前晚在伊館舉行一連兩場《真·經典電視主題曲演唱會》的頭場。壓軸出場的蔡楓華坦言很久沒在伊館說話，大談當年曾勵珍邀他過檔無綫，令他充滿光榮感，不過又說：「我過錯咗去，佢哋整咗個《勁歌金曲》畀我。如果我繼續拍劇，就唔會有『一剎那光輝唔代表永恒』啦。」他自認不僅識唱歌，還幾幽默：「啲人話我講完呢句說話就走下坡，錯晒，因為有個天王巨星畀我掹吓車邊，就係張國榮（哥哥）。」
羡慕小生賺過億
騷後受訪時，他否認台上的說話是搞笑：「當時已經講過，呢句嘢唔係揶揄哥哥，4月1日（張國榮忌辰）係一個好特別日子，我感受良多。」他坦言有想起哥哥，並謂當年拍劇術語都是對方所教，兩人曾一起打桌球及行百萬行，但重申提起哥哥並非為叨光。提到自己涉獵歌、影、視，蔡楓華指現時的小生很幸福：「因為香港、內地都有市場，拍戲可以賺過億。（如果依家有人搵你，拍嗎？）仲有人搵我咩？唱歌已經好開心。」
文：音樂組