張繼聰畀女撩謝安琪笑老公做脫星

歌手謝安琪（Kay）昨日出席「藍服日」活動，呼籲各界關注患有自閉症的小朋友。提到張繼聰在網上被選為「最想觸摸的男藝人」之一，Kay笑說：「係咩？咁行街真係有好多男人摸佢，仲要慢動作摸，啲貨車佬經過會向佢吹口哨！（如果係女人摸阿聰呢？）咁女人我嘅感覺就強烈啲，男人摸就當切磋，女人就怪怪咁！通常女人都係口花花撩佢，我都笑佢依家係『脫星』！」她坦言很滿意老公的大隻佬身形：「佢嘅手臂大過個女嘅身，咁我都鍾意佢咁嘅，我鍾意男人有大隻嘅質感，覺得好睇o架！」