單立文無悔「全寵」胡蓓蔚：人不Marry枉少年！
藝人單立文與胡蓓蔚2008年拉埋天窗，為了慶祝結婚十周年，兩人到中環食飯慶祝，並拍下不少Sweet照放閃。胡蓓蔚在社交網發文道出十年人妻的感受，自爆第一次約會已被單立文寵壞，感激他成就了今日的自己，多年來每次外出旅行、食飯和睇戲，都可以交由她話事，甚至煮完飯老公定必洗碗，覺得自己相當幸運。而單立文亦有回應老婆的稱讚，發文：「我10年前喺唔清醒嘅情況底下做咗一個決定，其實結婚真係冇事嘅，人不Marry（結婚）枉少年，我真係冇後悔呀！」
李施嬅做「電燈膽」
原來兩人的十周年飯局，好友李施嬅亦有做「電燈膽」出席，並在社交網發文送上祝福：「永遠都Keep住搞笑的甜蜜。很難得，我是電燈膽，一起甜蜜吧。」她還叫單立文繼續寵壞胡蓓蔚。此外，李施嬅又相約「胡說八道」的好友胡杏兒和黃智雯聚會，杏兒帶同兒子Brendan同行，李施嬅上載合照並留言：「三個女人一個Son（仔）。」並大讚Brendan眼神迷人，精乖可愛，而黃智雯亦有分享合照。
文：專案組