江若琳婚禮冇Say驚嚴重超支
藝人江若琳獲未婚夫蕭潤邦打本，下月榮升老闆，創立品牌「賣麵」。對於未婚夫放手讓她經營整間店，江若琳笑言感壓力，且放閃說：「佢驚以後冇人搵我拍嘢，幫我鋪另一條路嘛！」
江若琳昨午與林淑敏到鑽石山出席活動推廣台灣美食，正籌備開設麵館的江若琳笑言到場偷師，談到投資7位數字，她承認全是未婚夫打本：「佢知我結咗婚都唔停得，又驚我以後年紀大，冇人搵我拍嘢，所以開設新食肆品牌畀我搞。佢全部畀我話晒事，好信我眼光，搞到我有壓力。」
同阿澤「預支蜜月」
江若琳坦言近日除了拍劇，還要籌備年底婚禮及麵館，非常忙碌。但問到婚禮是否同樣由她話事，江若琳笑說：「呢樣唔得，佢（蕭潤邦）驚嚴重超支，所以話等佢嚟。」談到日前亮相杜汶澤網上節目，由於話題涉及爆粗，令她表現尷尬，江若琳說：「冇事，阿澤仲度緊帶我出埠，去拍預支蜜月嘅節目。如果佢淨係帶我未婚夫去，我諗就驚喇！」
林淑敏患難見真情
而林淑敏自爆曾在台灣求學兩年，故熟悉台灣美食：「嗰時放學就要補習，追成績，好彩之後改去多倫多生活就重獲自由，所以我同自己講，如果我有小朋友，會送佢去外國。（諗住生？）有病（患癌）之後唔生得喇，我老公本身好鍾意小朋友，依家證明佢鍾意我多啲。」談到有指《愛．回家之開心速遞》加集數，她承認此事：「但未知加幾多。（挑戰當年《真情》？）梗係想啦！」
文：影視組