梁漢文心情忐忑：飲一啖都唔揸車
藝人梁漢文、林敏驄、黃心美等昨日在將軍澳邵氏片廠，為ViuTV世界盃遊戲節目《全民星戰》拜神。身為主持的梁漢文與林敏驄試玩層層疊遊戲，愛整蠱人的林敏驄騎在梁漢文身上，又將巨型骰子擲向他，梁漢文完全無力反擊，十分搞笑。
今年1月梁漢文涉嫌酒後駕駛被捕，被控不小心駕駛及酒後駕駛，案件將於4月6日判刑。問到心情是否忐忑不安？他坦言：「係……唔諗住，想借呢個機會同我嘅朋友講聲多謝關心，唔好意思為我憂心，希望快啲過去，可以專心投入工作。（驚唔驚坐監？）冇諗，希望盡快過去，事實係自己唔啱。（老闆任賢齊有冇叫你生性？）依家好少出去，呢件事我都受到教訓，應承大家會減到好少好少，飲咗一啖都唔會掂架車，嚴格到好似飛機師咁，飲咗一啖十二個鐘都唔會揸車。」
唔敢信口開河戒酒
梁漢文雖然稱會嚴格控制飲酒，但多次因酒後生事的他卻不願戒酒：「我唔敢信口開河為呢件事話以後唔飲酒，始終經常返內地工作，有唔少應酬，依家講戒酒係不負責任，但一定減到盡量少，監察自己更多。」並透露太太十分擔心，多謝對方諒解。
同場的黃心美笑言為了靚仔球星才睇世界盃，鍾情葡萄牙球星C朗拿度。她自爆最怕林敏驄「轉數高」：「頭先佢介紹主持時，已經同我改咗花名做『吹乜脹』，有時又講粗口諧音笑話。」又力撐梁漢文專業，未有受事件影響心情。
文：影視組