林盛斌怕傳染隔離四姊弟

藝人林盛斌（Bob）昨午帶同3位女兒到九龍塘出席慈善護眼活動，談到細仔日前因病入院，Bob表示康復中：「佢嘅支氣管炎好番好多，太太話如果冇咩嘢就下午可以出院。呢幾日我湊住三個女，又要攞嘢去醫院，變咗工人姐姐嘅工人。」
林盛斌暫時父兼母職，湊住3個女兒勁攰。
林盛斌暫時父兼母職，湊住3個女兒勁攰。

林家三位千金異口同聲表示掛念弟弟及媽媽，Bob坦言：「叫佢哋以後咳都唔好對住細佬，細佬返嚟都諗住隔離佢哋，唔好再傳染！其實舊年佢哋都試過病完一個到一個，最慘係佢哋要一齊玩，易傳染。（復活節囡囡咪冇得去玩？）佢哋媽咪安排咗好多嘢，晏少少佢哋又去做義工喇。」

林盛斌指兒子的支氣管炎正康復中。
  • 林盛斌指兒子的支氣管炎正康復中。