Katy Perry巨眼襲港金爆登場
33歲的美國天后Katy Perry昨晚首度襲港於亞洲國際博覽館開騷，不少粉絲打扮成偶像經典造型撐場，有人成身生果支持於內地有「水果姐」之稱的Katy，亦有人男扮女裝！大會加強保安，安排安檢及有警員與保安巡邏，開場前見救護車泊在門外戒備。
晚上8時30分左右Katy出場，現場巨型眼睛螢幕一亮燈，Katy在粉絲瘋狂尖叫下以閃爆的土豪金造型登場，一連唱跳幾首Hit歌《Witness》與《Dark House》等，之後High爆問：「你哋準備好過一個難忘嘅星期五晚未？等咗好耐？我都係！」炒熱全場氣氛！昨晚到場的星級Fans有容祖兒、廖碧兒、關心妍夫婦、莫可欣及森美，森美帶同自英國返港的兒子及愛女睇騷，還笑言不夠仔女熟悉外國歌曲，要在車上溫習Katy的歌。
此外，Katy日前在日本舉行兩場演出，影星男友奧蘭度布林（Orlando Bloom）撐場，二人於周三晚被影到變裝成「孖寶兄弟」於街頭玩「Mario Ｋart」遊覽東京。
