真人騷家族Kardashians向來多是非，其中家族成員美國人氣索模Kendall Jenner早前被傳為同性戀者，她近日登上《Vogue》雜誌封面，受訪時大方談性向，她自言不是雙性戀或同性戀，但說：「我對生活嘅體驗好開放！」她表示未試過發展雙性戀與同性戀的關係，又自言擁有男性力量：「但我冇變性，我擁有堅強嘅力量，總之我唔係同志！」此外，Kendall多次被指撻着NBA球員Blake Griffin，問到現時有沒有男友時，她沒有正面回應，只說：「我鍾意我嘅私人生活，好開心，佢個人好好，我有一個對我好好嘅人。」