吳嘉熙攬仔拍MV黃奕晨：想鍊爆手機

藝人黃奕晨（Dixon）與虞逸峯齊齊為ViuTV活動擔任主持，二人都對公司將播放2018世界盃感興奮，不過Dixon坦言對足球一竅不通：「最叻就係食波餅同踩波車囉！」他又透露稍後將主持另一個足球節目，要孭飛宣傳而感到壓力，身體更疑似響起警號，他笑言：「最近先知我瞓覺會磨牙。（女友Cheronna吳嘉熙話你知？）唔係啦，我爹哋媽咪話我知嘅！搞到我擔心係生蟲！」虞逸峯即一頭霧水說：「生蟲唔係會Pat Pat痕咩？」問到會否與女友拍拖減減壓？Dixon說：「各有各忙，佢都要出單曲，我就做幕後幫佢拍MV。（做埋MV男主角？）佢有MV男主角喇，仲有親熱戲添，睇到我都不是味兒，手機都想鍊爛佢！雖然個男演員身形好啲，但都係我靚仔啲！」