陳蕾失戀太少唱情歌被考起
睽違樂壇八年，首屆《亞洲星光大道》出身的唱作歌手陳蕾（Panther）加盟Mr.樂隊成員MJ、Tom和模特兒Leanne成立的「自由意志」旗下，攜新曲重戰樂壇。Panther自言：「用咗咁多年，終於喺樂壇重新出發，做個可以盡情唱出自己想法嘅原創歌手。」
曾因內地歌唱節目《中國好歌曲》備受賞識的她，對廣東歌依然情有獨鍾：「始終都係寫廣東歌最有成功感，粵語歌詞比普通話難填好多，作到一份完整嘅詞好難得。」談到創作，自由和快樂都是她的主要命題，唯獨情歌不拿手，她笑言：「可能自己失戀經歷唔夠多，感情始終要有起跌先容易有靈感，依家嘅感情生活好穩定。」至於外界盛傳她與MJ是一對，難道她口中的穩定對象就是MJ？她聽後一口否定：「我哋係好朋友，一開始喺社交網站互相留意，佢有份幫我行到今日，佢自稱係我伯樂囉，都可以算係嘅。」
