陳思行捧李笑男超越開心少女組
女新人李笑男（Zoe）獲導演陳思行（前名：陳加玲）賞識，第一次演戲即與韓國男團Big Bang成員勝利有感情線，她坦言受寵若驚。陳思行則深信Zoe一定會比當年的「開心少女組」更令觀眾受落。
Zoe擁有模特兒面孔及1米70高挑身材，初涉影壇的她說：「我之前喺英國讀時裝，從未拍過戲，演出經驗只係影過啲硬照，但我好想挑戰自己，多謝導演畀機會，我喺戲中暗戀勝利，現實中我都好鍾意Big Bang，我起初都緊張，但好幸運，大家都對我好好，今後我都想朝演員方向發展，會去學戲，因為平時我都有做運動，做打女我都OK o架！」
初見面驚為天人
導演陳思行對Zoe的處女演出亦讚不絕口：「我初初見到佢，感覺驚為天人，佢好啱做戲入面嗰個心地好、人又靚嘅角色，所以就算佢冇演戲經驗，我都搵佢演。（有信心佢可以好似當年開心少女組咁成功？）肯定啦！佢咁靚女，身材又好，係充滿正能量嘅一個美少女，比起我做新人時更犀利，我冇演技，但佢有嘛！」
李笑男Profile
出生：1988年6月9日
身高：1米70
嗜好：網球、芭蕾舞、音樂、攝影、旅行
化妝：Eddy Liu
髮型：Him Ng
文：影視組
攝：林蔚恩