趙學而尋開心最冧阮兆祥
即將入行30年的歌手趙學而，終在下月舉行首個紅館演唱會，日前她擔任東網巨星節目嘉賓，細說與粉絲之間微妙的關係，又自爆雖然外表堅強，但私底下非常眼淺。她又公開大讚好友阮兆祥，直言對方帶來不少歡樂。
趙學而日前接受東網巨星節目主持人俞詠文（Angela）訪問，大談心目中最喜愛的代表作及拍檔。問到要在阮兆祥及林一峰二選一時，她即二話不說揀阮兆祥：「佢好笑啲同開心啲囉，林一峰都開心嘅，不過就似係呵護、保護你嗰種窩心。而阮兆祥嗰種開心係完全冇牽掛，好開懷嘅感覺。」但問到若揀男朋友？她卻說：「兩個都唔會係揀男朋友嘅對象囉，唔該晒！」相信他們私底下相當老友。
睇韓劇喊餐飽
為慶祝趙學而圓紅館夢，一班粉絲專誠送上情深說話，為偶像打氣。有粉絲提到去年的九展演唱會，趙學而即憶起爆喊一幕，笑言能邊喊邊唱，更自爆是眼淺之人：「我喺屋企睇韓劇嘅時候，我老公成日問我做乜又喊，我係呢種人嚟o架。」並坦言因外表看似堅強而被誤會。
另外，趙學而於問答環節中大數自己的優點，並分享當年與歌手湯寶如遠赴澳洲拍攝旅遊特輯的趣事，想知道發生了甚麼事？立即去東網巨星睇片啦！
https://goo.gl/HF1VRn
化妝：Gabbie
髮型：Pakho@POPEIGHT
場地：九龍貝特爾酒店
文：專案組