莫家淦做星爸阿仔識自己加戲！

育有一子莫朗翹（Keanu）的藝人莫家淦（Keith），不時在社交網大晒囝囝可愛相。兩歲的Keanu近日更初嘗拍戲，在無綫劇《BB來了》中飾演葉凱茵的兒子，並與李佳芯、楊卓娜及徐榮有對手戲。Keith指囝囝雖然第一次拍戲，但毫不怯場：「啲攝影師都話未見過有小朋友咁乖咁聽話，佢唔止冇扭計，拍到第三場戲，仲自己加戲反白眼添。」問到會否捧囝囝做童星？Keith指暫無此打算，但若然Keanu有興趣，亦可以讓他偶爾客串。