單文柔愛心曲奇箍住陳展鵬

前港姐單文柔（Phoebe）及魏韵芝（Joyce）這對閨蜜，近日趁着白色情人節整愛心曲奇餅，Joyce起初整時有點雞手鴨腳，Phoebe見閨蜜「有難」即伸出援手，最終兩女超額完成，更用朱古力寫上自己的名字，並用糖花作點綴，製作獨一無二的曲奇餅，被老師大讚有天分！

魏韵芝煮飯示愛

有整蛋糕經驗的Phoebe坦言覺得整曲奇餅不太困難，只是整花時要花點工夫。問她可會將愛心曲奇送給緋聞男友陳展鵬？她說：「我會送畀Joyce同特別嘅人。（特別嘅人係陳展鵬？）朋友，送畀朋友！」講到最深刻的自製禮物，Phoebe說：「禮物通常都係因應個人而送，我通常都係整嘢食去代表呢份心意。媽咪講過煮得一手好菜，就會留得住男人個胃同心！」

Joyce亦不約而同表示送過最特別的禮物是煮飯：「多數都係煮飯同畫畫，試過有次自己煮晒成餐飯。（佢接受嗎？）我覺得佢係真心鍾意，因為真係食晒！」

陳展鵬	魏韵芝（左）和單文柔搓粉糰整花。	魏韵芝的靚靚曲奇大功告成！

場地：Sweets Lab

單文柔服裝：Caxx

單文柔化妝及髮型：Chloe Yu、Bowie Lo

文：專案組

攝：李柏儒