馬嘉均好艷福黃榕噴血無極限
性感女星黃榕、許芯悅及馬嘉均最近為4月底的舞台劇排練，艷福不淺的馬嘉均除了與許芯悅互獻舞台初吻，更會與黃榕床戰。他指黃榕的語氣讓人充滿遐想，假若對方在除衫戲走光，他就準備出手幫她遮住！
黃榕、許芯悅（Katie）及馬嘉均（Mason）將於4月27至29日合演舞台劇，早前三人到西營盤吃潮州菜，互相祝福在新一年工作順利。提到每星期要排練4、5日，他們直言疲倦。問到黃榕及Mason的床上戲如何？Katie興奮搶答：「好誇張！佢哋喺好細嘅櫈上面做，好狼狽咁轉身，其他演員睇到『嗚嗚』咁叫！」黃榕及Mason解釋公演時會在床上，但排練就要在很硬的學生椅上：「我哋一碌，背脊就好痛，但諗番都好搞笑。」
Mason又投訴被Katie及其他演員騷擾，幸好他與黃榕很專業：「冇受佢哋影響。（到時會唔會真錫？）要試吓先！黃榕啲語氣令人好有遐想、熱血沸騰，但我扮唔到佢咁性感。（有冇反應？）真係頂唔住！頂住咗！」黃榕就希望演出充滿美感，誓要令觀眾流鼻血！
許芯悅獻初吻
即將互獻舞台初吻的Katie及Mason打算封利是給對方，Katie搞笑說：「裏面要金色！」Mason又透露為排戲及戲劇班考試弄得滿身瘀痕，Katie就自爆未能抽離戲劇班考試的暴躁角色：「我攞到第一，但嗰晚好唔開心，覺得有魔鬼住咗喺入面，快啲幫我釋放出嚟！」她直言想學黃榕性感演出，更做了通淋巴令臀部更翹。
至於可會穿上黃榕的開窿裙？Katie笑道：「要包住先保持神秘感，我個角色係唔性感地吸引，更加高難度。」Mason大爆劇中黃榕會在他面前脫衣，不過估計飾演Playboy的自己不會流鼻血。問到可擔心走光？黃榕笑說：「走畀佢一個睇，好過走畀咁多人睇。」Mason笑言若黃榕走光，會用手遮住對方的樣子，令觀眾認不出她。
場地：膳亭
許芯悅服裝：snidel
文：音樂組
攝：劉智源