湛琪清「辣肉腸奄列」快手猛兜

Jessica表示喜歡西班牙菜是因為每道菜分量不多，每次食都可以嘗試多個菜式。為了今次的「西班牙辣肉腸奄列」，Jessica更專誠去拜師學藝：「我有朋友經營西班牙餐廳，所以就向餐廳師傅學整呢個西班牙辣肉腸奄列。」Jessica指這菜式的火候和時間控制非常重要：「因為個火好猛，放蛋上去煮嘅時候要好快手，仲要不停咁兜吓蛋入面嘅材料，要確保啲蛋熟之餘，又唔可以令到啲蛋好老同煮燶。」

冇經濟條件開餐廳

愛美食的Jessica是一名美食博客，不時到新開張的餐廳試菜，惟廚藝一般，較擅長烹調西餐：「好似牛扒、意粉同蛋，上次我煎牛扒畀男友同家姐食，雖然賣相唔係好靚，但佢哋大讚好好食。」Jessica認為食是人與人感情交流的橋樑：「我好鍾意一家人或者同朋友一齊圍住張枱食飯嘅感覺，所以我有諗過開餐廳，但經濟條件唔容許，加上我有朋友開餐廳，發覺原來好多嘢唔係我想像中咁。」

將洋葱、薯仔煮20至30分鐘。	混合洋葱、薯仔、辣肉腸與蛋，放入煎Pan慢煎，期間要如炒蛋般兜勻材料。	西班牙辣肉腸奄列 將成品略加裝飾即成。

陳倩揚：蒸烚更啱港人口味

「Cooking Mama」陳倩揚點評Jessica的「西班牙辣肉腸奄列」，建議她以蒸或烚的方法煮熟薯仔和洋葱：「唔用咁多油去煎煮佢，我覺得咁會迎合番香港人嘅口味。」《星級煮意》由藝人、紅人示範不同菜式，亦有廚藝專家提供煮食要訣，娛樂與資訊並重，大家可透過東網App、東網網頁收看及重溫。

材料：蛋、洋葱、薯仔、辣肉腸、橄欖油、海鹽、黑胡椒	陳倩揚	湛琪清教大家煮「西班牙辣肉腸奄列」。

文：專案組

https://goo.gl/CtE2Lk