薛家燕望七公主齊人集郵

藝人薛家燕昨出席探訪活動，與長者大跳招牌十字步舞，薛家燕透露跟長者們感情深厚：「好多長者都係睇住我大，對我有深厚認識同感情，所以我忙都會抽時間嚟。」其子石耀庭將於6月舉行婚禮，已準備得七七八八，問到屆時「七公主」其他成員可會出席？她說：「有搵過佢哋，馮寶寶喺馬來西亞唔知會唔會返，馮素波原本話上郵輪都唔去，沈芝華喺上海會返嚟。（人齊會唔會上台表演？）如果上台影一幅相已經會好轟動，20幾年嚟未試過七個人一齊正式影過相。」