李東旭預習湊仔！避談新歡秀智

李東旭來港出席活動，全程避談與秀智的戀情。

韓國型男李東旭昨日與韓國女團f(x)成員Krystal在港出席品牌活動，吸引逾二百粉絲撐場，場面墟冚。二人只跟大會司儀做簡單訪問，雖然外界關心李東旭與韓星秀智的新戀情，但他表明不能提及私事。當問到近期有何開心事可跟大家分享，他亦絕口不提戀情，只說：「平昌冬奧啱啱結束，殘奧進行中，我係平昌冬奧嘅宣傳大使，想多啲人認識呢個運動，而我嚟緊就準備拍新劇。（你之前參與親子真人騷，係咪好鍾意小朋友？）係，我經常同姪仔姪女玩得好開心。」他指今次來港行程緊密，未有時間觀光，希望下次來港旅遊，可參觀港產片的拍攝場地。

何超蓮自認冇「兵」

至於Krystal昨午近12時抵港，獲半百粉絲接機，牛仔褲打扮的她全程未有停低，但也邊行邊接過粉絲的禮物。晚上她換上V領西裝，不時以手遮胸防走光。她透露早前到歐洲旅行兩星期，暫未有工作計劃，最希望挑戰動作片。提到明年是f(x)出道十周年，她指仍未有慶祝大計。

何超蓮成功搵李東旭集郵。	Krystal剛完成歐洲之旅叉足電，狀態不俗。	周汶錡性感現身，笑言享受湊仔生活。

另外，同場中門大開的周汶錡透露早前舉家到法國滑雪，問有否趁機再造人？她說：「暫時未諗住，依家好享受有兩個仔，細仔就快1歲，會喺屋企慶祝。」而賭王三房千金何超蓮開心見到李東旭及集郵，她謂忙於台灣牛肉麵店的開張事宜，問到會否叫「兵」來幫忙？她說：「我冇兵。」又玩食字笑言女仔不適合喝凍飲，因「冰」冇益。

文：名人組