廖碧兒認愛大讚男友
藝人廖碧兒昨日出席代言纖體廣告記者會，她滿意六位數字酬勞，簽約兩年。最近傳出新戀情的她，被揭與約40歲有米男友盧啟賢（Calvin Lo）同遊芬蘭，但男方被指曾結婚並育有一女，還有泰籍女友Nina。
受訪時廖碧兒甜笑承認新戀情，指雙方開始了幾個月，做慈善認識，大讚男友人好、細心，大家又鍾意動物，並強調認識對方時他是單身。問到Calvin結過婚及有小朋友？她說：「一個女啫，大家相處OK。（想唔想同佢生BB？）𠵱，希望大家畀啲時間、空間我哋，如果有開心嘅嘢再同大家分享。」至於她在網上晒的戒指是自己買的，問到是否朝結婚為目標？廖碧兒說：「我對感情一向都好認真，希望大家畀多啲時間我哋。（去芬蘭預支蜜月？）嗰次係成班人影相團。（男友過咗試用期未？）冇諗，開心就得。」
