Busking網紅Judas Law公開性向：我係Les！
街頭歌手Judas Law最近在網上爆紅，不少人被其歌聲吸引，同時亦有人認為中性打扮的她性傾向成疑。早前Judas上載與同性密友的合照，受訪時更大方說：「我從來冇隱瞞我係Lesbian！」
23歲的街頭歌手Judas Law（羅凱鈴）憑天籟之音，在演出地點天水圍及大埔等地獲得觀眾的熱烈支持，最近更紅遍網絡，社交平台讚好人數由數千人跳升至近9萬人！早前她上載一些同性密友Yan的照片，其中一張她被Yan從後攬攬，Judas留言：「生日快樂，買唔切蛋糕，買件西餅頂住檔先！以後每年生日都會陪你過。」還加上錫錫和心心符號，非常甜蜜。
爛Gag當情趣
帶點靦腆的Judas在Yan面前盡顯搞笑一面，除了留言最喜歡騷擾對方，又大搞爛Gag：「知唔知邊隻駱駝唔舒服？雙峯（傷風）嗰隻呀！」由於Judas打扮中性，不少粉絲及網民對其性向抱有疑問。對此Judas接受訪問時坦言：「我從來冇隱瞞我係Lesbian（女同性戀），之前有啲電台訪問我都講過。」她沒想過社交平台的照片會被報道，但強調自己喜歡唱歌，一心想唱歌給大家聽，希望大家開心。
日前Judas獲邀首次到麥花臣擔任慈善演唱會演出歌手之一，並透露已簽經理人公司。經理人指他們本來並非從事音樂，不過被其歌聲吸引，希望提供多些支援令她的歌唱路更順暢。目前，Judas正準備推出舊歌翻唱的專輯，打算稍後才正式公布。
文：音樂組