「蜜月」開Live走數許廷鏗賴風大

歌手許廷鏗（Alfred）、藝人莊思明（Lisa）與裕美等昨日出席美容產品發布會，Alfred表示首次擔任美容產品代言人，即場分享護膚心得。談及與胡鴻鈞的「蜜月之旅」，他笑說：「有好多朋友都知我哋去，同埋今次有圈外朋友，所以嗰張『合照』啲人先咁細粒！大家去都係放鬆，冇必要澄清。」問到為何沒有遵守承諾開Live，是否走數？Alfred無奈表示曾多番嘗試，奈何現場非常大風，故打算返港才找數。