前妻樂基兒送祝福：恭喜晒！
黎明的名模前妻樂基兒得悉對方傳出「喜訊」時，即恭喜兩人並表示好開心，樂基兒以短訊回覆：「Congratulations and so happy for them，They deserve everyone's blessing and all the best.」更加上三個心心、BB及一個奶樽Emoji。而於去年8月再婚下嫁圈外男友Ian Chu的她，問到造人計劃有否好消息？她表示未有，不過希望快些有：「Hopefully soon！」而最近她忙於拍攝網上Cookbook，正努力煮新菜式。
雷頌德：唔會驚訝
至於黎明好友雷頌德昨日現身藝術展，對於黎明的事十問九唔知，問到對方是否將榮升爸爸？他說：「我真係唔知，唔係守口如瓶。（黎明同阿Wing係咪拍拖？）真係唔知。我識阿Wing，一齊合作過，以前有好多歌手都係佢負責，好似李治廷同JW（王灝兒），但最近冇見佢。（阿Wing依家打晒骰？）我真係唔知。Leon依家喺內地拍嘢。（你聽到呢個消息驚唔驚訝？）如果係真，唔會驚訝！（會唔會恭喜佢？）邊個朋友都會恭喜。（打電話問佢？）我唔敢，佢唔鍾意我喺出面聽完啲嘢問佢。」
