高人教路惡！甄詠珊捱車撞搵位碌

甄詠珊在無綫新劇《果欄中的江湖大嫂》中飾演「惡人菊」，指每場戲都十分刻骨銘心，因為每一場的爆炸性都好強：「我會搵刀斬人，跟住又畀人打，每一場戲都好正，對我嚟講好有突破！特別有兩場戲最深刻。」她最記得第一日開工第一場戲，雖然只是簡單推着木頭車及粗豪地說：「借歪！借歪！」但竟緊張得做不到！她指當時覺得很大壓力，勁驚做得不好：「不過導演好好，拉我埋一邊傾偈，黃光亮又捉我埋另一邊幫我入戲，佢哋用好多方法幫我，我係好感激佢哋！之後我就冇咁緊張，愈做愈順。」